ریاست مدھیہ پردیش کے صنعتی شہر اندور میں مسلسل بارش کی وجہ سے سڑک سے لے کر گھروں تک پانی بھر گیا ہے۔
آپ کو بتا دیں کہ' مالوہ کا ایک اہم حصہ صنعتی شہر اندور ہے جہاں بارش عموما جون ماہ کے آخر سے شروع ہوجاتی ہے مگر اس بار بارش تاخیر سے شروع ہونے کی وجہ سے یہاں کے لوگ اچھی بارش کی دعائیں کر رہے تھے مگر کسی کو یہ گمان نہ تھا کہ دیر سے شروع ہونے والی بارش محض بارہ گھنٹوں میں ہی اتنی برس جائے گی کہ وہ زحمت بن جائے گی۔حالانکہ محکمہ موسمیات نے پہلے سے ہیں تیز بارش کا خدشہ ظاہر کر دیا تھا مگر کسی کو یہ امید قطعی نہ تھی کہ سڑکوں کا پانی گھروں تک پہنچ جائے گا جس سے زندگی بری طرح سے متاثر بھی ہوگی۔
مزید پڑھیں:
اندور شہر چوتھی بار صفائی ایواڑ سے سرفراز
گذشتہ بارہ گھنٹوں میں 11 انچ بارش درج کی جاچکی ہے، مقامی لوگوں نے کہا کہ لاک ڈاؤن کے بعد بے روزگار ہونے کی وجہ سے یہاں کے لوگ پہلے سے ہی کافی پریشان ہیں اب اس پر بارش نے ہمارے گھروں کو کافی نقصان پہنچایا ہے ہمارا نگر نگم سے مطالبہ ہے کہ پانی کی روک تھام کی انتظام کیا جائے۔
