مدھیہ پردیش کے کھنڈوا ضلع میں اندور شاہراہ پر اج روشیا گاوں کے نزدیک ایک بس کے بے قابو ہوکر پلٹ جانے سے ایک شخص کی موت اور 25 سے زیادہ مسافر زخمی ہوگئے۔
پولیس کے ذرائع نے بتایا کہ ضلع کے دیش گاوں چوکی علاقہ میں روشیا گاوں کے نزدیک ایک تیز رفتار بس بے قابو ہوکر پلٹ گئی۔ کچھ مسافر باہر گر گئے، جنہیں سنگین چوٹیں آئیں۔ ایک مسافر کی موت ہوگئی اور 25لوگ زخمی ہوگئے۔ زخمیوں کو علاج کے لئے ضلع اسپتال میں داخل کرایا گیا ہے۔ اس بس میں پچاس سے زیادہ لوگ سوار تھے۔ کچھ زخمیوں کو علاج کے لئے سناود کے سرکاری اسپتال میں لے جایا گیا، جہاں ان کا علاج کیا جارہا ہے۔ حادثہ کے بعد بس ڈرائیور موقع سے فرار ہوگیا۔
مزید پڑھیں:مدھیہ پردیش میں درد ناک سڑک حادثہ، 7 کی موت، 15 زخمی
کھنڈوا ضلع اسپتال کے ڈاکٹر شرد ہرنے نے بتایا کہ یہاں علاج کے لئے جتنے زخمی مسافر لائے گئے ہیں ان کی حالت خطرے سے باہر ہے۔ کچھ کو معمولی چوٹیں آئی ہیں، جنہیں ابتدائی علاج کے بعد چھٹی دے دی گئی ہے۔
یو این آئی۔
