تحریک آزادی کے مجاہد اور آزاد بھارت کے پہلے وزیر اعظم پنڈت جواہر لعل نہرو اور پہلے وزیر تعلیم مولانا ابوالکلام آزاد کی یوم پیدائش نومبر کے دوسرے ہفتے میں آتی ہے، جس کو ملک بڑی عقیدت اور محبت کے ساتھ مناتا ہے۔
11 نومبر کو مولانا آزاد کی یوم پیدائش یوم تعلیم کے طور پر منائی جاتی ہے، تو وہیں 14 نومبر کو پنڈت جواہر لعل نہرو کی یوم پیدائش چلڈرن ڈے کے طور پر منائی جاتی ہے۔ ان موقعوں پر مدھیہ پردیش کانگریس اقلیتی سیل نے بھی صنعتی شہر اندور میں پنڈت جواہر لعل نہرو اور مولانا آزاد کی یوم پیدائش کے موقع پر تقریبات کا انعقاد کیا۔
یہ بھی پڑھیں:
دہلی: مولانا ابوالکلام آزاد کا نیشنلزم پر زیادہ زور تھا
اس تقریب کا عنوان تھا 'پنڈت جواہر لعل نہرو اور مولانا آزاد کے سپنوں کا بھارت' جس میں شہر کے طلباء نے بڑھ چڑھ کر حصہ لیا اور شہر کے معزز لوگوں نے بھی شرکت کی۔ فاتح امیدوار کو انعامات سے بھی نوازا گیا۔ اس موقع پر معزز لوگوں نے طلباء کو بھی خطاب کیا۔ وہیں بحث و مباحثہ کا فیصلہ کرنے والے ججوں کا اعزاز بھی کیا گیا۔ تقریب کی نظامت جہاں سید گلریز علی نے بخوبی انجام دی تو وہیں مہمانوں کا شکریہ ڈاکٹر رفیق شیخ نے ادا کیا۔
