شہر حیدرآباد کے بچوں کے مشہور نیلوفر اسپتال کی ایک نرس جو کووڈ 19 سے متاثر پائی گئی تھی، نے چند روز قبل اس دکان سے پھل خریدے تھے۔ یہ واقعہ اس وقت منظر عام پر آیا جب بارہویں جماعت کی طالبہ دیویا اکشیتا نے اس تعلق سے ٹویٹ کیا۔
کوکا پیٹ میں کئی برسوں سے یہ تاجر پھل فروخت کر رہا تھا۔
دیویا نے ٹویٹ کرتے ہوئے کہا کہ وہ اس اپارٹمنٹ میں دو برس سے رہتی ہیں۔ تب ہی سے وہ اس تاجر کو دیکھ رہی ہیں۔ نیلوفر اسپتال کی نرس نے اس مقام سے پھل خریدے تھے اور اگلے دن وہ کورونا سے مثبت پائی گئی۔ جب انتظامیہ نے اس سے پوچھا تو اس نرس نے کہا کہ وہ اس تاجر کی دکان آئی تھی۔ بعد ازاں اس تاجر کا طبی معائنہ کیا گیا اور اس کو الگ تھلگ کر دیا گیا۔
بلدیہ نے تاہم اس کے تمام پھل، لاری میں بھر کر ان کو نارسنگی سرکل کے قریب دفن کر دیا۔
دیویا نے کہا کہ یہ تاجر کافی غریب تھا اور روزانہ پھل فروخت کرتے ہوئے زندگی بسر کر رہا تھا۔ اب وہ کافی مشکل کا شکار ہو گیا ہے۔
دیویا نے اس کو معاوضہ ادا کرنے کی اپیل کی ہے۔
نارسنگی کے سب انسپکٹر آر لکشمن نے کہا کہ حکام نے اس پھل فروخت کرنے والے کو مناسب معاوضہ دلانے کی یقین دہانی کروائی ہے۔
