تیلگو اسٹار اللو ارجن نے تلنگانہ، آندھرا پردیش اور کیرالہ میں کورونا وائرس پھیلنے کے خلاف جنگ کے لئے 1.25 کروڑ روپئے کا تعاون کیا ہے۔
اداکار نے یہ اعلان ایک ویڈیو پیغام کے ذریعہ کیا۔
انہوں نے ویڈیو میں کہا کہ کووڈ 19 نے دنیا کو اپنی ذد میں لے لیا ہے اور ہماری روز مرہ کی زندگی کو تبدیل کردیا ہے لیکن اس وبا کے باوجود ڈاکٹر، نرس، پولیس اور دیگر کئی شعبوں میں کام کرنے والے لوگوں نے بہترین خدمات انجام دی ہے۔
ان سے متاثرہوکر، وہ اپنا کام بھی انجام دینا چاہتے ہیں۔
انہوں نے کہا، "پوری عاجزی کے ساتھ، میں آندھرا پردیش، تلنگانہ اور کیرالہ کے لوگوں کے لئے 1.25 کروڑ روپئے کا اعلان کرنا چاہتا ہوں۔''
انہوں نے عوام سے حفظان صحت کو برقرار رکھنے اور تنہائی پر عمل کرنے کی بھی اپیل کی۔
واضح ہو کہ اس کے قبل اللو ارجن کے چچا اور سپر اسٹار پون کلیان اور انکے کزن رام چرن نے بھی کوویڈ 19 کے مدنظر حکومت کے امدادی فنڈ میں رقم دینے کا اعلان کیا ہے۔
