جرمنی میں پیش آئے کارحادثہ میں تلنگانہ کا طالب علم ہلاک ہوگیا۔اس کی شناخت ناگرکرنول ضلع کے 27سالہ امرسنگھ کے طورپر کی گئی ہے جواعلی تعلیم کے لئے جرمنی گیا تھا۔ Nagarkurnool Student Dies in Road Accident in Germany
تاخیر سے ملی اطلاع کے مطابق اس ماہ کی 13تاریخ کو یہ حادثہ پیش آیا۔حادثہ اتنا شدید تھا کہ امرسنگھ موقع پر ہی ہلاک ہوگیا۔عہدیداروں نے بدھ کی شب اس کے ارکان خاندان کو فون کے ذریعہ اس بات کی اطلاع دی جس کے ساتھ ہی اس کے خاندان پر غم کا پہاڑ ٹوٹ پڑا اور سارے علاقہ میں سوگ کی کیفیت دیکھی گئی۔
اس حادثہ کی اطلاع کے ساتھ ہی مقامی رکن اسمبلی بالاراجو نے امرسنگھ کے مکان پہنچ کر اس کے غمزدہ ارکان خاندان کو پُرسہ دیا اور امرسنگھ کی لاش کی ضلع میں اس نوجوان کے آبائی مقام اکارا منتقلی کے انتظامات کی یقین دہانی کروائی۔
یو این آئی
