گورنر تلنگانہ کے طورپر تمل سائی سوندرا راجن نے حلف لیا

تمل سائی سوندرا راجن ریاست تلنگانہ کی دوسری گورنر بنی ہیں، اتوار کے روز راج بھون کے سبزہ زار پر منعقدہ سادہ مگر اہم تقریب میں تلنگانہ ہائی کورٹ کے چیف جسٹس آرایس چوہان نے انھیں حلف دلایا۔

اس تقریب میں وزیراعلی کے چندرشیکھرراو،اسپیکر اسمبلی پوچارم سرینواس ریڈی،وزرا، ارکان اسمبلی اور دیگر اہم شخصیات موجود تھیں۔

۔قبل ازیں تمل سائی، بذریعہ خصوصی ہیلی کاپٹر سیدھے حیدرآباد کے بیگم پیٹ ایرپورٹ پہنچیں جہاں وزیراعلی کے چندرشیکھرراو،ریاستی وزرا،بی جے پی رہنما اور دیگر اہم شخصیتوں نے ان کا استقبال کیا۔نئی گورنر نے پولیس کے مسلح دستوں کی سلامی لی اور سجی سجائی گاڑی میں پولیس پریڈ کا معائنہ بھی کیا۔تمل سائی کو تلنگانہ کی پہلی خاتون گورنر بننے کا اعزاز حاصل ہوا ہے۔حلف برداری کے بعد تلنگانہ کے وزیراعلی کے چندرشیکھر راو نے ان کو گلدستہ پیش کیا اور مبارکباد دی۔