تلنگانہ کے دارالحکومت حیدرآباد کے مادھاپور میں پیش آئے سڑک حادثہ میں ایک 25 سالہ سافٹ ویر ڈیولپر ہلاک ہوگیا۔
یہ حادثہ کل شب مادھاپور کے سائبر ٹاورس جنکشن کے قریب اُس وقت پیش آیا جب گریٹر حیدرآباد میونسپل کارپوریشن (جی ایچ ایم سی) کی ڈیزاسٹر رسپانس فورس کی گاڑی نے اس کو ٹکر مار دی۔
مرنے والے کی شناخت سائی گنیش کے طورپر کی گئی ہے۔ اس کو شدید زخمی حالت میں اسپتال منتقل کیاجارہا تھا کہ راستہ میں ہی اس کی موت ہوگئی۔
گاڑی کے ڈرائیور کے خلاف ایک معاملہ درج کرلیا گیا ہے۔ پولیس نے تصدیق کی ہے کہ حادثہ کے وقت یہ گاڑی تیز رفتار سے چلائی جارہی تھی۔
