تلنگانہ کے ضلع عادل آباد میں پیش آئے سڑک حادثہ میں دو ڈرائیورز ہلاک ہوگئے اور ایک شخص شدید زخمی ہوگیا۔
یہ حادثہ ضلع کے بٹی ساورگاوں کے قریب حیدرآباد۔ناگپور قومی شاہراہ پر اُس وقت پیش آیا جب وین نے ٹہری ہوئی لاری کو ٹکر دے دی۔
پولیس نے بتایاکہ ہلاک ہونے والوں کی شناخت حیدرآباد کے 43 سالہ محمد اسحاق اور رنگاریڈی ضلع کے معین آباد کے رہنے والے 31 سالہ محمد پاشاہ کے طورپر کی گئی ہے، یہ دونوں وین کے ڈرائیور تھے۔
اس حادثہ میں لاری میں موجود شخص شدید زخمی ہوگیا۔اس کو علاج کے لیے راجیو گاندھی انسٹی ٹیوٹ آف میڈیکل سائنس عادل آباد علاج کے لئے منتقل کردیاگیا۔
بتایاجاتا ہے کہ اس کی حالت تشویشناک ہے۔یہ حادثہ اتنا خطرناک تھا کہ دونوں مہلوکین کی لاشیں کیبن میں پھنس گئیں۔پولیس کو ان کونکالنے کے لئے کافی جدوجہد کرنی پڑی۔پولیس نے ایک جاں بحق شخص کی شکایت پر ایک معاملہ درج کرکے جانچ شروع کردی۔
