کسانوں کی حمایت میں دہلی میں احتجاج کیاجائے گا: وزیر سرینواس یادو

وزیر سرینواس یادو نے کیا کہ ریاست میں کاشت کے اراضیات کا اضافہ ہوا ہے۔تلنگانہ کا شمار ملک کی دھان پیداکرنے والی ریاستوں میں ہوتا ہے۔مرکزی حکومت تلنگانہ کی حوصلہ افزائی نہیں کررہی ہے بلکہ اس کو مشکل میں ڈال رہی ہے۔مرکزی حکومت نے زراعت کے سیاہ قوانین کو منظوری دی ہے۔انہوں نے الزام لگایا کہ ریاستی بی جے پی کے لیڈران اپنی مرضی کے مطابق بیانات دے رہے ہیں۔ا

دھان کی خریداری کے لئے کسانوں کی حمایت میں تلنگانہ کی حکمران جماعت ٹی آرایس کی جانب سے 12نومبر کو دیئے جانے والے دھرنے کے انتظامات کا شہرحیدرآباد کے اندرپارک پر ریاستی وزرا محمد محمود علی، ٹی سرینواس یادو، ارکان اسمبلی ڈی ناگیندر،ایم گوپال اور دوسروں نے معائنہ کیا۔

اس موقع پر میڈیا سے بات کرتے ہوئے وزیر سرینواس یادو نے کہا کہ ریاست بھر میں یہ دھرنا دیاجائے گا۔کسانوں کی حمایت میں برسراقتدار جماعت کی جانب سے حیدرآباد کے اندراپارک پر یہ دھرنا دیا جارہا ہے۔

انہوں نے کہاکہ ریاست میں کاشت کے قابل اراضیات کا اضافہ ہوا ہے۔ تلنگانہ کا شمار ملک کی دھان پیداکرنے والی ریاستوں میں ہوتا ہے۔مرکزی حکومت تلنگانہ کی حوصلہ افزائی نہیں کررہی ہے بلکہ اس کو مشکل میں ڈال رہی ہے۔مرکزی حکومت نے زراعت کے سیاہ قوانین کو منظوری دی ہے۔انہوں نے الزام لگایا کہ ریاستی بی جے پی کے لیڈران اپنی مرضی کے مطابق بیانات دے رہے ہیں۔

مزیدکہاکہ ٹی آرایس،مرکز کے خلاف اپنی جدوجہد کو جاری رکھے گی۔ملک کی تمام جماعتوں کو متحد کرتے ہوئے دہلی میں احتجاج کیاجائے گا۔انہوں نے پارلیمنٹ کے سرمائی سیشن کی کارروائی میں رکاوٹ پیداکرنے کا انتباہ دیا۔اس موقع پر وزیر محمد محمود علی نے کہا کہ وزیراعلی کے چندرشیکھرراو کی نگرانی میں زراعت کا شعبہ ریاست میں کافی ترقی کررہا ہے۔انہوں نے کہاکہ مرکز کی جانب سے منظورقوانین مخالف کسان ہیں۔

یو این آئی