طلبہ اور بیروزگار نوجوانوں کے مسائل کے حل میں تلنگانہ حکومت کی ناکامی کے خلاف تلنگانہ کانگریس کے جنگ سائرن پروگرام کے حصہ کے طور پر کانگریس کی طلبہ تنظیم این ایس یو آئی کی جانب سے حیدرآباد میں بڑے پیمانے پر بائیک ریلی نکالی گئی۔
سرکاری شعبہ میں 1.91 لاکھ خالی ملازمتوں کو پُر کرنے کے مطالبہ پر ریاست کی اپوزیشن جماعت نے 9 دسمبر تک 65 روزہ جنگ سائرن پروگرام کا اعلان کیا ہے، جس کے دوسرے دن این ایس یو آئی نے بائیک ریلی نکالی۔
یوجنا کانگریس کے صدر روہت کی قیادت میں یہ بائیک ایل بی نگر چوراہے تک نکالی گئی جس میں سینکڑوں نوجوانوں نے حصہ لیا۔ ان کی بائیکس پر کانگریس کے پرچم تھے۔
- مزید پڑھیں: جنگ سائرن پروگرام: حیدرآباد میں کانگریسی رہنما گرفتار
- یہ بھی پڑھیں: جب پُرہجوم سرکاری تقاریب جاری ہیں تو مساجد اور درگاہیں بند کیوں: محبوبہ مفتی
تلنگانہ کانگریس کے صدر ریونت ریڈی نے اس پروگرام کی اپیل کی تھی۔ کانگریس پارٹی نے ساتھ ہی 2018 کے اسمبلی انتخابات کے موقع پر ہر بیروزگار نوجوان کو 3016 روپئے الاونس کے طورپر فراہم کرنے حکمران جماعت ٹی آر ایس کے وعدہ کو پورا کرتے ہوئے ریاست کے 60 لاکھ بے روزگارنوجوانوں کو بے روزگار الاونس فراہم کرنے کا بھی مطالبہ کیا۔
(یو این آئی)
