نظام آباد کے ورنی منڈل کے سائیداپور جنگلاتی علاقہ میں ایک درخت سے ان دونوں کی لاشیں لٹکتی ہوئی پائی گئیں۔ اس بات کی اطلاع گاؤں والوں نے ان کے رشتہ داروں کو دی۔ مرنے والوں کی شناخت موہن اور لکشمی ضلع کے موسرامنڈل کے تماپور کے رہنے والے کے طور پر ہوئی ہے۔
لکشمی کی شادی پانچ ماہ پہلے ہوئی تھی۔پولیس نے شبہ ظاہر کیاکہ مایوسی کے عالم میں ان دونوں نے یہ انتہائی اقدام کیا۔ پولیس نے اطلاع ملتے ہی وہاں پہنچ کر لاشوں کو درخت سے نکلوایا اور ان کو پوسٹ مارٹم کے لئے بھیج دیا۔پولیس نے اس سلسلہ میں ایک معاملہ درج کرکے جانچ شروع کردی۔
