حیدرآباد: شہریت ترمیمی قانون کے خلاف جلسہ عام کا انعقاد

شہریت ترمیمی قانون کے خلاف جوائنٹ ایکشن کمیٹی کی جانب سے حیدرآباد کے ایک فنکشن ہال میں بڑے پیمانے پر جلسہ عام منعقد ہوا۔

اس موقع پر جے اے سی کے کنوینر مشتاق ملک نے اعلان کیا کے حیدرآباد میں بھی شاہین باغ طرز کا احتجاج شروع کیا جائے گا- جے اے سی نے جمعہ کے روز یوم عہد منانے کا فیصلہ کیا ہے، 24 جنوری کے دن جمعہ کے موقع پرتلنگانہ اور آندھراپردیش کی تمام مساجد میں 'ہم فارم نہیں بھریں گے عہد لیتے ہوئے یوم عہد منایا جائے گا'-

اس احتجاجی جلسہ عام سے سابق جسٹس چندر کمار' پروفیسر وشویشورراو' سابق رکن راجہ سبھا عزیز پاشاہ 'امجد اللہ خان خالد (ترجمان مجلس بچاؤ تحریک) نے خطاب کیا-مقررین نے احتجاج کرنے والے خواتین کو خراج تحسین پیش کیا، اور احتجاجیوں کو روکنے اور طاقت کا استعال کرنے کے واقعات پر پولیس کی مذمت کی۔ جلسہ کے اختتام کے بعد کثیر تعداد میں موجود طلبہ و طالبات نے احتجاج شروع کردیا تھا-