حیدرآباد کے تاریخی حسین ساگر پر واقع ٹینک بنڈ روڈ پر ہر اتوار کی شام 5 بجے تا رات 10 بجے ٹرافک پر پابندی عائد رہے گی تاکہ ٹینک بینڈپر آنے والے شہریوں کو سہولت ہوسکے۔
ٹینک بنڈ کو ہر اتوار کو صرف سیاحت کےلیے مخصوص کردیا گیا ہے جبکہ یہاں سے ٹریفک کو جانے کی اجازت نہیں رہے گی۔ ہر اتوار کو شہریوں کو ٹینک بنڈ کو سیر و تفریح کےلیے مخصوص کرنے کےلیے کے ٹی آر کو ایک شخص نے ٹوئٹ کیا تھا جس کے بعد کے ٹی آر نے اس سلسلہ میں پولیس کمشنر سے خواہش ظاہر کی تھی۔
مزید پڑھیں: تلنگانہ: ڈینگی کیسزمیں اضافہ، احتیاط کا مشورہ
کمشنر پولیس انجنی کمار نے آج شام 5 بجے ٹینک بنڈ پہنچے اور ٹریفک کو روکنے کے انتظامات کا جائزہ لیا۔ اس دوران ٹریفک کو دوسرے راستوں کی طرف موڑ دیا گیا تھا۔ اس موقع پر انجنی کمار نے کہا کہ 'سیاحتی مقام حسین ساگر میں تفریح کی غرض سے آنے والوں کو کوئی مشکل نہ ہو، اس لیے یہ فیصلہ کیا گیا۔ انہوں نے ٹینک بینڈ کا دورہ کرتے ہوئے بتایا کہ 'تاریخی تالاب حسین ساگر پر واقع ٹینک بینڈ کو ٹریفک فری کردیا گیا ہے اب ہر اتوار کو لوگ یہاں سیر و تفریح کےلیے آسکتے ہیں۔
