شراب پینے کیلئے رقم نہ دینے پر بیٹے نے ماں کا قتل کردیا۔ یہ واردات تلنگانہ کے ضلع سنگاریڈی میں پیش آئی۔ ضلع کے پرگی منڈل کے کداوان پور میں بیٹے نے بجلی کے تار سے ماں کا گلا گھونٹ کر قتل کردیا۔
ملزم کی شناخت بلونت کے طور پر کی گئی ہے جو شراب کا عادی ہے۔ اس کی ماں نے اس کی شادی کروادی تھی تاکہ اس کی یہ لت ختم ہوسکے۔ تاہم اس نے شادی کے بعد بھی شراب کی اپنی عادت کو جاری رکھا۔
اس کی ہراسانی سے تنگ آکر اس کی بیوی اس کو چھوڑ کر چلی گئی۔ تب ہی سے وہ ماں کو ہراساں کررہا تھا۔ اسی دوران آج اس نے ماں بھیماں کو بجلی کے تار سے گلا گھونٹ کر ہلاک کردیا۔
بتایا جارہا ہے کہ اس کی ماں کو حکومت کی جانب سے دو ہزار روپے وظیفہ ملتا تھا تاہم شراب کے لئے ملزم اپنی ماں سے اس رقم کو دینے کامطالبہ کررہا تھا جس کے لئے وہ اسے ہراساں کررہا تھا۔
مزید پڑھیں:تلنگانہ: ایک طالب علم کی عمارت سے دھکیل دینے سے موت
رشتہ داروں نے اس بات کی شکایت پولیس سے کی جس کے بعد پولیس نے اس کو حراست میں لے لیا۔ لاش کو پوسٹ مارٹم کے لیے بھیج دیا گیا۔
یو این آئی
