حیدرآباد میں فرانسیسی خاتون کی مشتبہ موت

حیدرآباد میں ایک فرانیسی خاتون کی مشتبہ حالت میں موت ہوگئی۔ پولیس نے کیس درج کرکے تحقیقات کا آغاز کردیا۔

حیدرآباد کے مضافاتی علاقے حمایت ساگر کے قریب جھاڑیوں میں ایک فرانسیسی خاتون کی مشتبہ حالت میں لاش برآمد ہوئی ہے۔

اطلاعات کے مطابق فرانس کی ایک خاتون شہری ماریک کچھ عرصہ قبل حیدرآباد آئی اور کالی مندر کے علاقے میں مقیم تھی تاہم کل وہ لاپتہ ہوگئی۔

راجیندر نگر پولیس نے حمایت ساگر کے قریب واقع جھاڑیوں سے آج اس کی لاش کو برآمد کیا۔ پولس نے فرانس سے تعلق رکھنے والی خاتون کی لاش کو عثمانیہ اسپتال کے مردہ خانہ میں منتقل کردیا۔

راجیندر نگر پولیس نے اس سلسلہ میں ایک کیس درج کرکے تحقیقات کا آغاز کردیا ہے۔