نئے سال کا آغاز رات 12 سے ہی شروع ہوجاتا ہے سال کے اختتام پر عوام خوشیاں مناتے ہوئے پرانے سال کو وداع کرتے ہوئے نئے سال کا خیر مقدم کرتے ہیں۔
اس جشن کے موقع پر نوجوان اپنی گاڑیوں پر سوار ہوکر شہر کی سڑکوں پر ہنگامہ آرائی کرتے ہیں، جس کے باعث اگلے دن کی خبریں حادثات سے بھری پڑی ہوتی ہیں۔ حالانکہ پولیس کی جانب سے سخت پابندیاں عائد کی جاتی ہیں، لیکن اس پر مکمل طور پر عمل آواری ممکن نہیں ہو پاتی۔
جشن کے دوران شراب نوشی عام بات ہے، جو حادثات کی اہم وجہ ہوتے ہیں۔
حادثات پر قابو پانے کی غرض سے حیدرآباد میٹرو ریل نے نئے سال کے جشن کے پیش نظر رات دیر گئے تک خدمات فراہم کرنے کا اعلان کیا ہے اور اس موقع پر شراب نوشی کرنے والوں کو بھی اس میں سفر کی اجازت دی گئی ہے۔
ساتھ ہی انتباہ دیا گیا کہ اس موقع پر خواتین سے چھیڑ چھاڑ یا کوئی نازیبا حرکت نہ کی جائےاس طرح کی حرکت میں ملوث پائے جانے والے افراد کے خلاف سخت قانونی کاروائی کی جائے گی۔
