تاریخی عمارتوں اور ہیرٹیج مقامات کے لیے مشہور حیدرآباد شہر میں سیاحوں کی بڑی تعداد آتی ہے۔ جس کے پیش نظر ان مقامات پر صفائی پر خصوصی توجہ دی جارہی ہے۔
سیاحتی مقامات پر صاف صفائی کی برقراری کو یقینی بنانے کے لیے گریٹر حیدرآباد میونسپل کارپوریشن ( جی ایچ ایم سی ) نے منتخب مقامات پر صحت و صفائی کو یقینی بنانے کے لیے خانگی ایجنسیز کی خدمات حاصل کرنے کا فیصلہ کیا۔ اس کے مثبت نتائج برآمد ہوئے ہیں اور چند سیاحتی مقامات پر ایک پائیلٹ پراجکٹ کا فیڈ بیاک اچھا ملا ہے۔ اب یہ کارپوریشن شہر میں دوسرے سیاحتی مقامات پر اس طرح کاکام انجام دینے کے لیے مزید ایجنسیز کو طلب کررہا ہے۔
پائیلٹ پراجکٹ کے تحت میونسپل کارپوریشن نے چارمینار، سکندرآباد ریلوے اسٹیشن، مکہ مسجد، ہائی کورٹ اور سالار جنگ میوزیم پر صحت و صفائی کو یقینی بنانے کے لیے ایجنسیز کی خدمات حاصل کی تھی۔ ایجنسیز کو ان مقامات پر سالانہ اساس پر صحت و صفائی کی برقراری کی ذمہ داری سونپی گئی۔
