تلنگانہ کے مختلف اضلاع میں ہونے والے ایم ایل سی انتخابات میں پروفیسر انور خان بحیثیت آزاد امیدوار شرکت کرر ہے ہیں۔ پروفیسر انور خان نے میڈیا کانفرنس سے خطاب کرتے ہوئے کہا کہ' ہر برس کم از کم ایک لاکھ گریجویٹ نکلتے ہیں مگر گریجویٹ حلقہ میں حق رائے دہی کا استعمال کے لیے ووٹرز کی حیثیت سے بہت کم گریجویٹ کے نام رجسٹرڈ ہیں۔
انہوں نے کہا کہ' اگر گذشتہ 30 برسوں کے دوران گریجویشن کرنے والے ایک عام اندازے کے مطابق کم ازکم کم 30 لاکھ بطور ووٹرز تلنگانہ میں ہوں گے جس کا 70 فیصد شہر حیدرآباد میں ہوں گے۔
انور خان بتا یا کہ' دینی مدارس سے فاضل کی سند حاصل کرنے والے طلبہ ووٹ ڈالنے کا اہل ہیں اور کافی تعداد میں ایسے دینی مدرسہ کے فارغین نے اپنا نام رجسٹرڈ بھی کروایا ہے۔
انہوں نے بتایا کہ' سیاسی جماعتوں سے وابستہ ارکان چاہتے ہوئے بھی اپنی بات پارٹی ہائی کمان کی ہدایت کی وجہ سے نہیں کر سکتے وہ ایک آزاد امیدوار کی حیثیت سے منتخب ہوتے ہیں تو کسی کی پابندی نہیں رہے گے۔
مزید پڑھیں: مولانا علی میاں ندوی کی تعلیمات کو عام کرنے کی ضرورت
اس تعلق سے اعجاز خان نے لوگوں سے اپیل کیا ہے کہ' سنہ 2017 تک کے گریجویٹ اپنا نام انرولمنٹ کرا سکتے ہیں۔
