تلنگانہ کے وزیر صحت ہریش راؤ نے مشورہ دیا ہے کہ ہر طالب علم کو امتحانات کو تہوار سمجھنا چاہیے۔ انہوں نے زور دیتے ہوئے کہا کہ دسویں جماعت کی تعلیم حاصل کرنے والے طلبہ کے بہتر نتائج کے لئے ان کے والدین کو خط لکھا جائے گا۔ انہوں نے دسویں جماعت کے امتحانات کے پیش نظرخصوصی مہم چلانے اور سدی پیٹ ضلع کو دسویں جماعت کے نتائج میں سرفہرست لانے کے لئے مساعی کرنے کی محکمہ تعلیمات کے عہدیداروں سے خواہش کی۔ Harish Rao Inaugurated a Canteen at a School in Saddipet District
وزیر موصوف نے ضلع مستقر سدی پیٹ میں نیوہائی اسکول میں این آر آئی ڈاکٹرراگی گنگارام کے تعاون سے 25 لاکھ روپئے کے صرفہ سے تعمیر کردہ کینٹن کا افتتاح کیا۔ اس موقع پر خطاب کرتے ہوئے وزیر موصوف نے کہا کہ اگلے تعلیمی سال سے تمام سرکاری اسکولوں میں انگلش میڈیم میں تعلیم متعارف کرائی جائے گی۔ ہمارا گاؤں۔ ہمارا اسکول پروگرام کے حصہ کے طور پر 7,300 کروڑ روپے کی لاگت سے کارپوریٹ اسکولس کی طرز پر سرکاری اسکولس میں بنیادی سہولیات فراہم کی جائیں گی۔
- مزید پڑھیں:Telangana Health Minister Visits Osmania Hospital: تلنگانہ کے وزیر صحت نے عثمانیہ اسپتال کا دورہ کیا
انہوں نے کہا کہ سرکاری اسکولس میں داخلوں کی تعداد میں اضافہ کے لئے محکمہ تعلیمات کے عہدیدار،اساتذہ مساعی کریں۔ اس تعلیمی سال سے، 100 کروڑ روپے کی لاگت سے صحت اور حفظان صحت کی کٹس محکمۂ صحت وطبابت کی طرف سے گریڈ 7-12 کے طلباء کو فراہم کی جائیں گی۔
یو این آئی
