بھارت اور آسٹریلیا کے درمیان کھیلے گئے 4 ٹیسٹ میچز کی سیریز میں بھارت نے آسٹریلیا کو 2-1 سے شکست دے دی۔ اس پر ان کے خالہ زاد بھائی نے خوشی کا اظہار کیا۔ ساتھ ہی ساٹھ دنوں قبل سراج کے والد کے انتقال پر انتہائی غم کا اظہار کیا۔ محلے کے لوگ جہاں انہیں ایک طرف مبارکباد پیش کر رہے ہیں وہیں ان کے گھر پہنچ کر والد کے انتقال پر تعزیت بھی پیش کر رہے ہین۔
خالہ زاد بھائی کا کہنا ہے کہ' محمد سراج نے والد کے انتقال کے اوپر کرکٹ کو ترجیح دی اور اور آج چار میچوں کی ٹیسٹ سیریز میں بھارت کو میچ جتانے میں اہم کردار ادا کیا۔
مزید پڑھیں: بی سی سی آئی کا ٹیم انڈیا کو پانچ کروڑ کا انعام
ان کے بھائی نے واضح طور پر کہا کہ' لاک ڈاؤن کے دوران بھی چھوٹی چھوٹی جگہوں پر سراج نے اپنی محنت کو جاری رکھا اور اپنی پریکٹس جاری رکھیں۔ یہاں تک کہ' لاک ڈاؤن کے دوران انھوں نے ایک پل بھی اطمینان اور راحت کی سانس نہیں لی۔ اسی کا نتیجہ ہے کہ آج بھارتی کرکٹ ٹیم کو میچ جتانے میں سراج نے انتہائی اہم کردار ادا کیا۔
