تلنگانہ: عارضی ملازمین کا دھرنا

کنٹریکٹ پر بحال صحت ملازمین کو پی پی ای کیٹ کے بغیر کام کرنا پڑ رہا ہے اور تنخواہوں کی ادائےگی بھی نہیں کی جا رہی ہے۔

تلنگانہ کے نلگنڈہ ضلع کے نلگنڈہ اسپتال میں خدمات انجام دینے والے کنٹریکٹ ملازمین نے ڈیوٹیز کا بائیکاٹ کرتے ہوئے دھرنادیا ہے۔

انہوں نے الزام لگایا کہ کورونا کے متاثرین کے علاج کے دوران ان کو ماسک بھی فراہم نہیں کیا گیا اور ان کی دو ماہ کی تنخواہیں بھی ادا نہیں کی گئیں ہیں۔ انہوں نے فوری طور پر تنخواہوں کی ادائیگی اور ماسکس کی فراہمی کا مطالبہ کیا۔

واضح ہو کہ تلنگانہ میں 12،178 کورونا کے فعال کیسز ہیں۔ جبکہ صحتیابی کی شرح 65.48 فیصد ہے۔ ریاست میں پچاسی فیصد لوگوں میں کورونا کی علامات نہیں ہیں۔