کورونا وبا کے پیش نظر اجتماعی دعا کا اہتمام

عالمی وبا کورونا وائرس متاثرین و اموات میں مسلسل اضافے کے پیش نظر مسجد اشرفی قلعہ گولکنڈہ میں بعد نماز جمعہ اجتماعی دعا کا اہتمام کیا گیا۔

ریاست تلنگانہ کے دارالحکومت حیدرآباد میں کورونا وائرس متاثرین کی تعداد میں غیر معمولی اضافہ ہو رہا ہے۔

آپ کو بتا دیں کہ حیدرآباد کورونا وائرس متاثرہ علاقوں کی فہرست میں پہلا نمبر ہے۔

شہر حیدرآباد میں ان لاک ون اور ٹو میں نرمی کے بعد کورونا وائرس سے روزانہ کئی لوگوں کی موت ہورہی ہے۔ اس ضمن میں مسجد اشرفی قلعہ گولکنڈہ حیدرآباد میں نمازجمعہ کے بعد مفتی معنیم فاروقی نے مہلک وائرس سے نجات کے لئے اجتماعی دعا کا اہتمام کیا- اجتماعی دعا میں بزرگ نوجوان معصوم بچے سمیت سبھی عمر کے افراد شامل تھے۔