حیدرآبادی لڑکے نے ایرگن مقابلےمیں چار گولڈ میڈلس جیتے

حیدرآبادکے شیخ ارزان احمد نے نیشنل ایرگن مقابلے میں چار گولڈ میڈل حاصل کیے-

دہلی میں منعقدہ پہلا بلدیو سنگھ میموریل شوٹنگ چیمپئن مقابلے میں ملک کے مختلف ریاستوں کے ایرگن شوٹرس نے حصہ لیا تھا، اس مقابلے میں قلعہ گولکنڈہ حیدرآباد سے تعلق رکھنے والے 14 برس کے شیخ ارزان احمد نے 10مٹیر کے فاصلے پر 400 پوائنٹس میں سے 386 پوائنٹس حاصل کیےاور چار گولڈ میڈل جیتے۔

شیخ ارزان احمد نے کئی مقابلوں میں حصہ لیا اور کامیابی حاصل کی، ارزان احمد کو بچپن سے ہی شوٹنگ کا شوق ہے- گزشتہ 11 ماہ سے ارزان احمد ٹریننگ کر رہے ہیں، کم وقت میں انہوں نے بہترین مظاہرہ کرتے ہوئے کامیابی حاصل کی۔

ارزان نویں جماعت میں پڑھتے ہیں، روزانہ اسکول کی تعلیم کے بعد وہ چھ گھنٹے ٹریننگ لیتے ہیں۔
انھوں نے ای ٹی وی بھارت کو بتایا کہ وہ ملک کا نام روشن کریں گے اور ان کا خواب ہے کہ وہ ایک دن بھارت کے لیے اولمپک میں شوٹر کے حیثیت سے اپنی پہچان بنائیں-

ان کے والد شیخ اخلاق احمد نے ان کے شوق کو دیکھتے ہوئے گولکنڈہ قلعہ میں پرائڈ شوٹنگ اکیڈمی کے نام سے ایک ایرگن شوٹنگ اکیڈمی قائم کی- شیخ اخلاق احمد نے بتایا کہ ایرگن شوٹنگ مقابلے میں مسلم لڑکے بہت کم حصہ لیتے ہیں اس کھیل کو عام کرنے کے لیے یہ اکیڈمی قائم کی گئی، جس میں نہ صرف مسلم لڑکے بلکہ دیگر مذاہب کے لڑکے بھی حصے لے سکتے ہیں- اس موقع پر شیخ ارزان احمد کو افراد خاندان اور مقامی عوام نے مبارکباد پیش کی-