تلنگانہ کے دارالحکومت حیدرآباد میں واقع مولانا آزاد نیشنل اردو یونیورسٹی اور ملک کے مختلف حصوں میں اس کے مراکز کے نظامت فاصلاتی تعلیم میں سوائے بی ایڈ کے مختلف انڈرگریجویٹ اور پوسٹ گریجویٹ، ڈپلوما اور سرٹیفکٹ فاصلاتی پروگراموں میں اکیڈمک سیشن 2021-2020 کے لیے داخلے جاری ہیں۔
فاصلاتی کورسس میں آن لائن داخلوں کی آخری تاریخ میں 22 دسمبر 2020 تک توسیع کی گئی ہے۔ اس سے قبل توسیع شدہ آخری تاریخ 30 نومبر تھی۔
یہ توسیع یونیورسٹی گرانٹس کمیشن کے احکامات کے مطابق کی گئی ہے۔ بی ایڈ (فاصلاتی) کا انٹرنس ٹیسٹ 10 دسمبر کو منعقد ہوچکا ہے۔
نظامت فاصلاتی تعلیم کے ڈائرکٹر نظامت پروفیسر ابوالکلام کے بموجب عالمی وبا کورونا وائرس (کووڈ 19) سے پیدا شدہ صورتحال اور ملک کے مختلف حصوں سے موصولہ نمائندگی کے پیش نظر نظامت فاصلاتی تعلیم نے آخری تاریخ میں توسیع کی منظوری حاصل کی ہے۔
یونیورسٹی میں ایم اے (اردو، انگریزی، تاریخ، ہندی، اسلامک اسٹڈیز اور عربی) میں داخلے دیئے جارہے ہیں۔
اس کے علاوہ بی اے، بی کام، بی ایس سی (لائف سائنسز - بی زیڈ سی اور فزیکل سائنسز - ایم پی سی)، ڈپلوما کورسس (ٹیچ انگلش اور ترسیل عامہ و صحافت) اور سرٹیفکٹ کورس (اہلیت اردو بذریعہ انگریزی اور فنکشنل انگلش برائے اردو داں ) میں بھی داخلے دستیاب ہیں۔
ای پراسپیکٹس اور آن لائن درخواست فارم ڈائرکٹوریٹ کی ویب سائٹ manuu.edu.in/dde پر "ADMISSIONS" پر دستیاب ہیں۔
فارمز آن لائن جمع کرانے ہوں گے۔ رجسٹریشن فیس 300 روپئے ہے۔
مزید تفصیلات کے لئے اسٹوڈنٹ سپورٹ سروسز یونٹ (ایس ایس ایس یو) ٹال فری نمبر 1800 425 2958، ہیلپ لائن نمبر 040-23008463 ، 23120600 (ایکسٹیشن 2207) سے رابطہ کریں یا یونیورسٹی کی ویب سائٹ ملاحظہ کریں۔
امیدوار حیدرآباد، نئی دہلی، کولکاتہ، بنگلورو، ممبئی، پٹنہ، دربھنگہ، بھوپال، رانچی، امراوتی، سری نگر، جموں، نوح (میوات)، لکھنو میں واقع مانو کے علاقائی و ذیلی علاقائی مراکز سے رابطہ بھی کرسکتے ہیں جن کی فون نمبر ای پراسپکٹس میں دیئے گئے ہیں۔
