تلنگانہ کے حیدرآباد میں ایک نوجوان نے اس کے خاندان کی جانب سے کورونا ویکسین لینے کا مطالبہ کرنے کے بعد خودکشی کرلی۔ آج بھی کوویڈ ویکسین سے متعلق بعض لوگوں میں غلط فہمیاں پائی جاتی ہے جبکہ حکومت کی جانب سے عوام میں شعور بیدار کرنے کےلیے اقدامات کئے جارہے ہیں۔
مشرقی گوداوری کے رامچندر پورم کا رہنے والا شاوی پرکاش کچھ عرصہ سے حیدرآباد کے منی کنڈہ علاقہ میں رہ رہا تھا اور یہاں سیکوریٹی گارڈ کی حیثیت سے کام کر رہا تھا۔ اس کے خاندان نے اسے کورونا کا ٹیکا لینے کا مشورہ دیا تاہم وہ کچھ غلط فہمیوں کی وجہ سے انکار کرتا رہا، جس کے بعد اس کے خاندان نے ویکسین لینے کےلیے اس پر زور دیا۔
گذشتہ ہفتہ کی رات شاوی پرکاش نے گھر والوں کے دباؤ اور ویکسین کے خوف سے کیڑے مار دوا کی بوتل کے ساتھ گھر کے باہر چلا گیا جبکہ اس کے گھر والوں نے اسے رات بھر تلاش کیا لیکن وہ نہیں ملا۔ اتوار کی صبح شاوی پرکاش گھر کے باہر بےہوش پایا گیا، اسے فوری طور پر اسپتال منتقل کیا گیا جہاں ڈاکٹروں نے اسے مردہ قرار دیا۔ اطلاعات کے مطابق شاوی پرکاش نے ٹیکہ کے خوف سے خودکشی کرلی۔
