وشاکھاپٹنم میں گرفتار کئے گئے ماونوازوں نے تلگودیشم کے رکن اسمبلی کے سرویشور راو اور سابق رکن اسمبلی ایس سوما کو ہلاک کیا تھا۔
ڈی جی پی گوتم سوانگ نے اے پی۔اوڈیشہ کی سرحد کے قریب ماونوازوں کی گرفتاری کی اطلاع پریس کانفرنس کے ذریعہ میڈیا کو دی۔ انہوں نے کہا کہ گرفتارشدگان میں ماونوازوں کے سرکردہ لیڈران اورڈیویثرنل کمانڈربھی شامل ہے۔
انہوں نے کہا کہ جی روی نے پولیس کے سامنے خودسپردگی اختیار کی ہے۔ انہوں نے کہا کہ حالیہ دنوں کے دوران آندھرا۔ اوڈیشہ سرحد پر ماونوازوں کو کافی نقصان اٹھانا پڑا ہے۔ حالیہ برسوں کے دوران علاقہ میں ماونواز کیڈرسے محروم رہے۔کئی ماونوازوں نے خودسپردگی اختیار کی، کئی کو گرفتار کیاگیا اور کئی دوطرفہ فائرنگ کے واقعہ میں ہلاک ہوگئے۔
یہ بھی پڑھیں:
آندھراپردیش: درخت کورنٹائن روم میں تبدیل
گوتم سوانگ نے کہا کہ کورونا وائرس کے پھوٹ پڑنے اور مقامی قبائلیوں سے ماونوازوں میں شمولیت کا سلسلہ رک جانے پر ماونوازوں کو مشکل صورتحال کا سامنا کرناپڑا۔
یو این آئی
