ریاست ہریانہ کی بی جے پی رہنما سونالی فوگاٹ کو تھپڑ تنازع کیس میں حصار پولیس نے گرفتار کر کے عدالت میں پیش کیا۔
دراصل بی جے پی رہنما سونالی فوگاٹ کی ایک ویڈیو وائرل ہوئی تھی جس میں وہ مارکٹ کمیٹی کے سکریٹری سلطان سنگھ کو تھپڑوں اور چپلوں سے پیٹ رہی تھیں۔
بی جے پی کی رہنما سونالی فوگاٹ کا کہنا تھا کہ سلطان سنگھ نے ان پر نازیبا الفاظ کسے تھے جس کی وجہ سے ان کی پٹائی کی گئی جبکہ سلطان سنگھ اپنے اوپر لگائے گئے تمام الزامات کو بے بنیاد قرار دے رہے ہیں۔ دونوں فریقوں کی طرف سے ایف آئی آر درج کرائے جانے کے بعد وزیراعلیٰ نے بھی اس معاملے پر نوٹس لیا ہے اور ہریانہ کے وزیر داخلہ انل وج نے بھی کہا ہے کہ قصوروار کو بخشا نہیں جائے گا۔
ٹک ٹاک اسٹار سونالی فوگاٹ نے سنہ 2019 میں ہریانہ کی آدم پور اسمبلی سیٹ سے کانگریس رہنما کلدیپ بشنوئی کے خلاف انتخابی میدان میں تھیں حالانکہ وہ انتخاب میں سکشت سے دوچار ہوئی تھیں۔
سونالی فوگاٹ ٹک ٹاک پر بہت مشہور ہے اور وہ ہر دن ٹک ٹاک پر اپنے ویڈیوز پوسٹ کرتی رہتی ہیں جو کہ سوشل میڈیا پر کافی زیادہ وائرل بھی ہوتی ہیں۔
سونالی فوگاٹ کی ویڈیوز کو بھی ان کے مداح کافی پسند کرتے ہیں اور ان کی مقبولیت کا اندازہ اس حقیقت سے لگایا جاسکتا ہے کہ ان کے ٹک ٹاک پر لاکھوں فولوورز ہیں۔
