محکمہ صحت کی جانب سے جاری تازہ اعداد و شمار کے مطابق کورونا وائرس کے ضلع میں کل مریضوں کی تعداد اب 70 ہوگئی ہے۔ حالانکہ اچھی بات یہ ہے کہ ان میں سے 65 مریض صحت یاب ہو کر اپنے اپنے گھروں کو لوٹ چکے ہیں۔ ضلع میں آج آنے والے دو کیس سمیت 5 فعال کیس ہے۔جن میں سے ایک مریض کو نلہر میڈیکل کالج، دو مریضوں کو العافیہ مانڈی کھیڑا ہسپتال اور دو مریضوں کو ہوم آئسولیشن میں رکھا گیا ہے۔
غور طلب ہے کہ نوح میوات میں ایک وقت سبھی 65 مریض صحت یاب ہونے کے بعد کوئی فعال کیس باقی نہیں بچا تھا، جس سے علاقہ میں کافی خوشی محسوس کی جا رہی تھی اور لاک ڈاؤن میں کافی ڈھیل دے دی گئی تھی لیکن دو کیس سامنے آنے کے بعد ضلع انتظامیہ علاقہ میں پھر سے سختی برتنے لگا ہے۔ دھیرے دھیرے پولس کی تعیناتی بڑھائی جا رہی ہے حالانکہ باہر آنے جانے پر بہت زیادہ روک ٹوک نہیں ہے۔ ضلع میں اب تک 4995 نمونوں کی جانچ کی گئی ہے، جن میں سے 4835 کی رپورٹ منفی آئی ہے۔ ابھی 87 افراد کی رپورٹ کا آنا باقی ہے۔
