ہریانہ کرکٹ ایسوسی ایشن کے صدر ایان خان نے پریس کانفرنس میں بتایا کہ 3 اور 4 جولائی کو نوح، گڑگاؤں، فریدآباد اور پلول کے کھلاڑیوں کا ٹرائل نوح کرکٹ اکیڈمی کے گراؤنڈ میں ہوگا جبکہ بقیہ ضلعوں کے ٹرائل مقامی میدانوں میں ہوں گے۔
ایان خان نے بتایا کہ یہ پہلا موقع ہے کہ نوح میں کسی بھی صوبائی سطح کی ٹیم کے انتخاب کیلئے ٹرائل ہونے جا رہے ہیں۔ انہوں نے میڈیا کے توسط سے گزارش کی ہے کہ کھلاڑی وقت ہر پہنچ کر ٹرائل میں حصہ لیں۔
یہ بھی پڑھیں:
یو اے ای کے دو کرکٹرز پر آٹھ برس کی پابندی
انہوں نے مزید بتایا کہ ہریانہ T10 ٹیم کے انتخاب کے بعد اگست میں ہونے والی انڈین T10 لیگ کے میچز نوئیڈا میں کھیلے جائیں گے۔
نوح کرکٹ اکیڈمی کے کوچ کمل کانت شرما نے بتایا کہ میوات میں کرکٹ کا ٹیلنٹ کافی ہے۔ وہ دو سالوں سے کوشش کر رہے کہ قابل کھلاڑی آگے آئیں۔ ان کا ماننا ہے کہ اب وہ دن دور نہیں جب میوات کے کھلاڈی بھی ملک کا نام روشن کریں گے۔
اس پروگرام اور پریس میٹ میں خصوصی مہمان کے طور پر وقف بورڈ ہریانہ کے ممبر خورشید راجاکا نے شرکت کی۔ نظامت اسسٹنٹ پروفیسر عاقب جاوید نے کی۔
