کرکٹر شہباز سے خصوصی بات چیت

ریاست ہریانہ کے ضلع میوات سے تعلق رکھنے والے کھلاڑی شہباز خان کا حال میں انڈیا اے میں انتخاب ہوا ہے۔ پیش ہے ای ٹی وی بھارت سے ان کی خاص بات چیت۔

شہباز خان آل راؤنڈر کرکٹر ہیں۔ وہ فی الوقت رنجی ٹرافی میں بنگال کی طرف سے کھیلتے ہیں۔

شہباز خان آج دیوالی کی چھٹی پر مختصر وقت کے لئے میوات پہنچے اور اپنے پرانے دوستوں سے نوح میں ملاقات کی۔ نوح میں ہی انہوں نے پریکٹس کی تھی۔

ای ٹی وی بھارت سے خصوصی بات چیت میں انہوں نے کہا کہ 'ان کی کامیابی کے پیچھے ان کے والدین کی دعائیں کار فرما ہیں۔' انہوں نے میوات میں وسائل کی کمی ہونے سے انکار کیا اور اپنے جونئیر ساتھیوں کے لئے محنت اور سخت محنت کا پیغام دیا۔

شہباز خان ضلع نوح کے مشہور گاؤں شکراوہ کے رہنے والے ہیں۔ گزشتہ برس ان کو رنجی ٹرافی کے لئے بنگال ٹیم میں منتخب کیا گیا تھا، ان کے مسلسل بہتر کارکردگی کی وجہ سے انہیں انڈیا اے میں بھی منتخب کیا گیا۔