یہ حادثہ چلکالوری پیٹ علاقے میں پیر کی صبح پیش آیا۔ کار کے ڈرائیور نے اپنا توازن کھو دیا اور اس کا گاڑی قومی شاہراہ پر کھڑی لاری سے ٹکرا گئی۔
کار میں سوار افراد تروپتی سے پوجا کے بعد واپس آرہے تھے۔ کار میں سوار دو خاندان کے افراد تھے جو موقع پرہی ہلاک ہو گئے۔
ہلاک ہونے والوں کی شناخت مغربی گوداوری کے رہنے والی 22برس کی بھوانی، 30 برس کی وینکٹ، 4 برس کے جی بابو، 5 برس کے سوناکشی اور22 برس کے منوج کے طور پر کی گئی ہے۔
پولیس نے بتایا کہ تقریباً چار بجے صبح یہ حادثہ پیش آیا۔ پولیس کا کہنا ہے کہ کار کافی تیز رفتار تھی۔
اطلاع ملتے ہی پولیس وہاں پہنچی اور لاشوں کو پوسٹ مارٹم کے لیے بھیج دیا جبکہ زخمیوں کو ہسپتال میں داخل کرایا۔
پولیس نے کار کو کرین کی مدد سے ہٹانے کے بعد اس سلسلے میں معاملہ درج کرکے جانچ شروع کر دی ہے۔
