جونپور: ریاست اترپردیش کے جونپور کے شاہ گنج اسمبلی حلقہ میں سماجوادی پارٹی و اتحاد کے امیدوار شیلیندر یادو عرف للئی کے حق میں عوامی اجلاس کو خطاب کرنے کے لیے سہیل دیو بھارتی سماج پارٹی کے قومی صدر اوم پرکاش راجبھر موضع مجڈیہاں میں شرکت کر کے عوام سے شیلیندر یادو کو کامیاب کرنے کی اپیل کی ہے۔
میڈیا سے گفتگو کرتے ہوئے اوم پرکاش راجبھر نے کہا کہ اتر پردیش سے مہنگائی، بے روزگاری، بد عنوانی، پرانی پینشن، نوکری کو لیکر پورے یوپی میں تبدیلی کی لہر چل رہی ہے اور 10 مارچ کو اکثریت آئے گی اور اکھلیش یادو کی قیادت میں سرکار بنے گی۔
انہوں نے اپنی نشست ظہور آباد کے تعلق سے کہا کہ جو لوگ کہتے ہیں کہ 10 مارچ کے بعد معلوم ہوگا کہ گببر کون ہے وہ 10 مارچ کے بعد کاؤنٹنگ سے روتے ہوئے آئیں گے۔
مزید پڑھیں:
انہوں نے سماجوادی پارٹی کے امیدواروں پر حملہ کے تعلق سے کہا کہ یہ بی جے پی کی ناکامی کی دلیل ہے جو طرح طرح کے کھیل کھیل رہے ہیں تو ہم لوگ پریشان کرنے والے نہیں بلکہ حکومت بنانے والے لوگ ہیں اور 2022 میں ہم اکثریتی ووٹ کے ساتھ کامیابی حاصل کرکے حکومت بنانے جا رہے ہیں۔
