جھارکھنڈ میں گریڈیہ ضلع کے گانڈے تھانہ علاقے میں سڑک حادثے میں ایک ہی کنبے کے تین افراد کی موت ہوگئی۔
پولیس ذرائع نے بدھ کو یہاں بتایا کہ راگھے ڈیہ گاؤں کے رہنے والے جتیندر گری (42) اپنے رشتہ دار پرشورام گری کے یہاں شادی کی تقریب میں شامل ہو کر منگل کی دیر رات بائک سے اپنی بیوی آشا دیوی (32) اور بیٹی پریتی (12) کے ساتھ گھر لوٹ رہے تھے تبھی داسڈیہ گاؤں کے نزدیک اسکارپیو نے بائک کو ٹکر مار دی۔
اس حادثے میں بائک پر سوار تینوں افراد کی موت ہوگئی۔ ہلاک شدہ جتیندر گری گریڈیہ کی ایک فیکٹری میں گارڈ کی نوکری کرتا تھا۔
ذرائع نے بتایا کہ اسکارپیو پر سوار لوگ بہار کے جموئی سے مغربی بنگال کے آسن سول جارہے تھے۔ اسکارپیو پر سوار سبھی لوگ صحیح سلامت ہیں۔ حادثے کی اطلاع کے بعد موقع پر پہنچی پولیس نے لاشوں کو پوسٹ مارٹم کےلئے بھیج دیا ہے۔
