غازی آباد: دہلی پولیس کے اسپیشل سیل نے اتر پردیش کے غازی آباد کے گووند پورم علاقے میں کافی کیفے سے لیڈی ڈان ندھی عرف بھارتی کو گرفتار کیا ہے Ghaziabad Police Arrested Lady Down۔
سال 2015 میں ندھی نے ساتھیوں کے ساتھ مل کر ایک شخص کو اغوا کرنے کے بعد اس کا قتل کر دیا تھا۔ اس معاملے میں وہ جیل بھی گئی لیکن 2017 میں بہن کی شادی کے لیے جیل سے باہر آئی اور فرار ہوگئی۔
لیڈی ڈان ندھی عرف بھارتی کا شوہر راہل ایک جاٹ گینگسٹر ہے۔ ان دونوں نے 2015 میں دہلی کے جی ٹی بی انکلیو تھانہ علاقے سے ساگر عرف چنو کو اغوا کیا تھا۔ وہ اسے یوپی کے باغپت ضلع لے گئے اور اس کی پٹائی کی اور اسے ٹرک کے آگے پھینک دیا۔ ساگر کچل کر مر گیا۔
دراصل ندھی کی بہن کا ساگر کے ساتھ افیئر تھا۔ ندھی کو یہ بات پسند نہیں آئی۔ چنانچہ ساگر کو قتل کر دیا گیا۔ ساگر کے قتل میں ندھی اور راہول سمیت کل 9 لوگوں کو دہلی پولیس نے گرفتار کیا تھا۔
2017 میں، ندھی نے اپنی بہن کی شادی کے لیے دہلی کی عدالت میں عبوری ضمانت کی درخواست دائر کی، جسے قبول کر لیا گیا۔ عبوری ضمانت کی میعاد ختم ہونے کے باوجود ندھی دوبارہ عدالت میں حاضر نہیں ہوئی۔ سال 2018 میں دہلی کی عدالت نے اسے مفرور قرار دیا تھا۔
مزید پڑھیں:
دہلی پولیس کے اسپیشل سیل انسپکٹر شیوکمار، کرماویر سنگھ کی ٹیم نے ہفتہ کی رات غازی آباد کے گووند پورم علاقے میں واقع کافی ہاؤس سے لیڈی ڈان ندھی عرف بھارتی کو گرفتار کیا ہے۔
