غازی آباد ضلع کے مودی نگر علاقے کے پکھروا گاؤں میں واقع پھلجھڑیاں بنانے کی فیکٹری میں دھماکے کے بعد آگ لگ گئی۔
آتشزدگی سے 7 افراد کی درد ناک موت ہو گئی اور 4 شدید طور پر جھلس گئے ہیں۔ اس واقعہ نے پورے ضلع میں ہلچل مچادی۔
اطلاع ملتے ہی ایس ایس پی سمیت متعدد آفیسر موقع پر پہنچ گئے اور فائر بریگیڈ کی ٹیم کئی گاڑیاں بھی پہنچ گئی اور آگ پر قابو پایا۔
تاہم ابھی تک آگ لگنے یا دھماکے کی وجوہات کا پتہ نہیں چل سکا ہے۔ جہاں آگ لگی ہے وہاں پھلجھڑیاں بنائی جاتی تھی۔
دوران آتشزدگی فیکٹری میں اس وقت کتنے افراد موجود تھے ، یہ ابھی تک واضح نہیں ہوسکا ، یہ بھی ابھی تک یہ واضح نہیں ہوسکا ہے کہ فیکٹری میں مزید کتنے افراد پھنسے تھے۔ ساتھ ہی زخمیوں کو اسپتالوں میں بھی داخل کرایا گیا ہے، جن کی حالت تشویشناک بتائی جارہی ہے۔
ریاست کے وزیراعلی یوگی ادتیہ ناتھ نے ضلع مجسٹریٹ اور پولیس سپرنٹنڈینٹ کو موقع پر پہنچ کر زخمیوں کو فوری راحت پہنچانے کی ہدایت دی ہے۔ انہوں نے موقع واردات کی جانچ کر آج شام تک رپورٹ بھیجنے کو کہا ہے۔
