ریاست بہار میں گیا ضلع کے وشنو تھانہ علاقہ میں ایک نوجوان کا گولی مار کر قتل کر دیا گیا۔
پولیس ذرائع نے بتایا کہ برہمنی گھاٹ ڈمریا مندر کے نزدیک رہنے والا اپندر مشرا (25) سوموار کی رات اپنے دوستوں کے ساتھ پھلگو ندی پر پارٹی کرنے کیلئے گیا تھا۔ علی الصبح قریب چار بجے اپندر کے دوست لاش لیکر اس کے گھر پہنچے اور اہل خانہ کو بتایاکہ پارٹی کے بعد وہ برہمنی گھاٹ مندر میں سو گیا تھا۔ اسی درمیان کچھ لوگ وہاں آئے اور انہوں نے اپندر کا گولی مار کرقتل کر دیا۔
ذرائع نے بتایاکہ قتل کی وجوہات کا فی الحال پتہ نہیں چل سکا ہے۔
پولیس معاملے کی تفتیش کر رہی ہے۔
