قومی شہریت ترمیمی ایکٹ کی حمایت میں اترپردیش کے وزیراعلی یوگی ادتیہ ناتھ کے عوامی اجلاس میں لاکھوں کی بھیڑ کا دعوی کیا جارہا ہے۔ بارہ بجے تک ہزاروں کی بھی بھیڑ نہیں پہنچی، بیداری جلسہ میں صبح دس بجے ہی یوگی آدتیہ ناتھ کو پہنچنا تھا تاہم ابھی یوگی نہیں پہنچے ہیں۔
بی جے پی کی جانب سے دعوی کیا گیا تھا کہ اس میں لاکھوں افراد شریک ہون گے تاہم ابھی ہزاروں کی بھی بھیڑ گاندھی میدان میں نہیں پہنچی ہے۔
وی آئی پی ایریا سے لیکر خواتین ایریا تک کی کرسیاں خالی پڑی ہیں، سامعین کا ایریا بھی پوری طرح سے خالی ہے، بیداری جلسہ اس لیے بھی اہم مانا جارہا تھا کیونکہ گیا میں سی اے اے کی مخالفت میں بڑے پیمانے پرمظاہرے واحتجاج ہورہے ہیں۔
بی جے پی کادعوی تھاکہ اس ریلی کے ذریعے لاکھوں افراد شریک ہوکر مظاہروں کاجواب دیں گے تاہم ابھی تک ایسا نہیں ہوا ہے۔
بی جے پی رہنماوں کادعوی ہے کہ یوگی کے پہنچنے تک گاندھی میدان میں بھیڑ ہوجائے گی۔ اسٹیج سے بار بار اعلان کیا جارہا ہے کہ جلسہ گاہ میں پہنچیں۔ وزیراعلی یوگی آدتیہ ناتھ کچھ ہی وقت میں جلسہ گاہ میں پہنچنے والے ہیں۔
