اوور لوڈیڈ ٹرک عبور کرنے والے دو انٹری مافیا گرفتار

کیمور سے گزرنے والی قومی شاہراہ پر مسلسل پولیس کی سختی کے باوجود بھی اوورلوڈیڈ ٹرک گزر رہے ہیں، معاملے کی تفتیش کے بعد ایس پی دلنواز احمد نے دو انٹری مافیا کو حراست میں لیا ہے۔

ریاست بہار کے ضلع کیمور سے گزرنے والی قومی شاہراہ پر پولیس اور محکمہ کی سختی کے باوجود ریت سے بھری اوور لوڈ گاڑیوں پر پابندی نہیں لگ پارہی ہے۔ اس تعلق سے ایس پی دلنواز احمد کی سخت نگرانی سے مافیا گرفت میں بھی آرہے ہیں، ان سب کے باوجود بھی اس سرگرمی میں کمی نہیں آرہی ہے۔

کیمور پولیس نے بیتے دنوں ایک بار پھر اوور لوڈ ریت سے بھری ٹرک کو تجاوز کرانے کے معاملہ میں دو مافیا کو رنگے ہاتھ گرفتار کرجیل رسید کر دیا۔ اس کے علاوہ ان کے پاس سے تیس ہزار روپے نقد بھی ضبط کیے، ساتھ میں اوور لوڈ ریت سے بھری آٹھ ٹرکوں کو بھی ضبط کیا۔

ایس پی دلنواز احمد نے بتایا کےاین ایچ شاہرا پر پولیس اوورلوڈیڈ ٹرک کی مسلسل تحقیقات میں مصروف تھی۔تحقیقات کے دوران 8 اوورلوڈیڈ ٹرک کو ضبط کیا گیا۔ جس میں دو انٹری مافیا کو گرفتار کیا گیا، ان کے پاس سے 30 ہزار روپے بھی برآمد ہوئے انٹری مافیا کو روہتاس کے خرم آباد میں گرفتار کیا گیاہے۔