گیا ہوائی اڈے پر پیر کی صبح بھی وندے بھارت مہم کے تحت ایئرانڈیا کے طیارے سے کل 146 افراد واپس آئے ہیں۔ یہ سبھی قطر کے دوحہ میں لاک ڈاون کی وجہ سے پھنسے ہوئے تھے۔ آج قطر کے دوحہ سے واپس آنے والوں میں 142 افراد کا تعلق بہار سے ہے جبکہ چار افراد ریاست جھارکھنڈ سے تعلق رکھتے ہیں۔
یہاں ہوائی اڈے پر پہنچنے کے بعد سبھی کی اسکریننگ و جانچ ہوئی جس میں سبھی صحتیاب پائے گئے۔ سخت حفاظتی بندوبست کے درمیان سبھی کوبودھ گیا میں واقع ہوٹلوں میں قرنطین کے لیے بھیج دیا گیا۔ جہاں پر یہ سبھی چودہ دنوں کی مدت گزارنے کے بعد اپنے گھروں کے لیے روانہ ہوں گے۔
ویڈیو
واضح ہوکہ گیا ہوائی اڈے پر گزشتہ 18 مئی سے ایئرانڈیا کے طیارے کی لینڈنگ ہورہی ہے جس میں بیرونی ممالک میں پھنسے بہاری واپس آرہے ہیں۔ اب تک چار طیاروں کی گیا ہوائی اڈے پر لینڈنگ ہوچکی ہے۔
