ریاست بہار کے گیا ضلع میں محکمہ اقلیتی بہبود کے زیر اہتمام چلنے والے ہاسٹل میں داخلے کے لیے خواہشمند طلبہ سے فارم آن لائن طلب کیے گئےOnline Admission in Minority Hostel Gaya۔ محکمہ کی ویب سائٹ پر فارم اپ لوڈ کر دیے گئے ہیں۔
شہر گیا کے شانتی باغ محلے میں گرلز اور بائز ہاسٹل واع ہیں، جبکہ گرلز ہاسٹل میں داخلہ کا عمل شروع Minority Hostel Gaya, Biharہو گیا ہے۔
ضلع کے اقلیتی فلاح افسر جتیندر کمار نے بتایا کہ اقلیتی امور کی جانب سے بائز اور گرلز ہاسٹل میں قیام کے خواہشمند اعلی تعلیم حاصل کرنے والے طلباء و طالبات کو داخلہ کے لیے محکمہ کی ویب سائٹ پر دستیاب آن لائن فارم کو پُر کرنا ہوگا۔
انہوں نے مزید کہا کہ فارم پُر کرنے کے بعد اس کی ایک ہارڈ کاپی ضلع اقلیتی فلاح دفتر یا پھر ہاسٹل میں واقع سپرنٹنڈنٹ کے دفتر میں جمع کرانی ہوگی اسکے بعد متعلقہ حکام اور کمیٹی کے ذریعے جانچ کے بعد منتخب طلباء و طالبات کو اطلاع دی جائے گی۔
داخلہ کے لئے کسی بھی منظور شدہ پلس ٹو اسکول یا تکنیکی تعلیمی اداروں میں زیر تعلیم ہونا شرط ہے۔
قابل ذکر ہے کہ وزیراعظم اقلیتی ہاسٹل گرانٹ منصوبے کے تحت ہاسٹل میں قیام پذیر طلباء کو ایک ہزار روپے ماہانہ اور وزیراعلی اقلیتی فلاح فوڈ اسکیم کے تحت 9 کلو چاول اور 6 کلو گندم فراہم کیا جاتا ہے۔
گیا گرلز ہاسٹل 100 بیڈس پر مشتمل ہاسٹل ہے، بائز ہاسٹل میں125 بیڈس کا انتظام ہے جبکہ گرلز ہاسٹل کے نظام کو چلانے کے لیے اس مرتبہ گیا میں محکمہ نے ایک خاتون افسر کو تعینات کیا ہے۔
