مہیندر سنگھ کے جنون کے سامنے پہاڑ بھی بونا ثابت ہوا

کہانیوں میں تو ہم نے آپ نے شیریں کے لیے فرہاد کا پہاڑ کاٹ کے جوئے شیر لانے کی کہانی تو پڑھی ہے لیکن ریاست بہار کے ضلع گیا کے مردان ہمت پہاڑ کاٹ کے راستہ بنا رہے ہیں۔

'مانجھی داماؤنٹین مین' فلم بننے کے بعد دشرتھ مانجھی کو تو ملک کی عوام نے پہچان لیا لیکن گیا کےایک اور کوہ کن سامنے آئے ہیں جن سے بہت کم لوگ واقف ہیں۔

دشرتھ مانجھی کے پہار توڑنے کے کارنامے سے تو اکثر لوگ واقف ہیں لیکن سابق فوجی مہیندر سنگھ کے پہاڑ توڑنے کے کارنامے کو کم ہی لوگ جانتے ہیں۔

اتری کے چیریاواں گاؤں کے رہنے والے مہیندر سنگھ کو اس کام میں گاؤں والوں کی مدد حاصل ہوئی اور پہاڑ توڑ کر راستہ تو بنا لیا لیکن سڑک نہیں بن پانے کی وجہ کے اب بھی عوام کو دشواریوں کا سامنا کرنا پڑتا ہے۔

راستہ اتنا چوڑا ہے کہ اس سے اسکول وین اور ٹریکٹر تک آسانی سے گزرجاتے ہیں۔ اس راستے کا استعمال اسکولی بچے کی کرتے ہیں۔