گیا جے ڈی یو اقلیتی شعبہ نے مسلمانوں کو پارٹی سے جوڑنے کی مہم شروع کردی ہے۔ پارٹی کے لیڈران کا دعویٰ ہے کہ ریاست میں 80 فیصد مسلمانوں کا اعتماد وزیراعلی نتیش کمار پر ہے۔کیونکہ وزیراعلی نتیش کمار نے مسلمانوں کی فلاح کے لیے کئی خصوصی منصوبے چلاکر ترقیاتی کاموں کوانجام دیاہے۔
صوبے میں بلاتفریق ترقیاتی کام ہوئے ہیں۔ فساد ، ظلم وزیادتی کو روکا ہے اور خوشگوار ماحول کومکدر کرنے والوں کے خلاف کاروائی کی ہے۔
جے ڈی یو اقلیتی سیل کے ضلع صدر محمد اکرام نے کہاکہ' وزیراعلی نتیش کمار پر مسلمانوں کا اعتماد پہلے سے اور مضبوط ہواہے۔ پارٹی سے مسلمانوں کو جوڑنے کے لیے بوتھ سطح تک کام کئے جارہے ہیں۔
انہوں نے کہا کہ بوتھ لیول کی کمیٹیاں بنائی جارہی ہیں، جے ڈی یو کے حق میں ماحول خوشگوار ہے اور پارٹی کا ضلع میں 2020 اسمبلی انتخابات کے لیے ہدف مقرر ہے۔ یہاں کی دسوں اسمبلی سیٹ جے ڈی یو جیتے گی۔
