ریاست بہار کے ضلع گیا میں جن ادھیکار پارٹی کے ریاستی وضلعی سطح کے رہنماؤں نے پارٹی کے نئے انتخابی نشان کا اجرا کیا، الیکشن کمیشن آف انڈیا کی جانب سے جن ادھیکار پارٹی کو قینچی نشان ملاہے۔
اس سے قبل جن ادھیکار پارٹی کا انتخابی نشان 'ہاکی بال' تھا۔قانونی طور پر اتنے ووٹ گذشتہ دوانتخابات میں جن ادھیکار پارٹی کو نہیں ملے جتنا کہ نشان اور پارٹی کے نام رجسٹرڈ رہنے کے لئے ہونے چاہئے تھے۔
جن ادھیکار پارٹی لوک تانترک نام تو بچ گیا، تاہم انتخابی نشان ختم ہوگیا ہے۔ گیا میں جن ادھیکار پارٹی کے رہنما نئے نشان کی تشہیر کے لئے مصروف ہوگئے ہیں۔
پارٹی کے ریاستی کارگزار صدر عمیر احمدخان عرف ٹکا خان نے کہاکہ انتخاب کے اتنے قریب وقت میں انتخابی نشان ملا ہے، تاہم کارکنان کی محنت سے اسے گھر گھرتک پہنچادیا جائیگا۔
خواتین کے لئے اس نشان کو پہچاننے میں آسانی ہوگی۔ ساتھ ہی انہوں نے قینچی نشان ملنے پر کہاکہ یہ اچھا نشان ہے۔اس سے بدعنوانی کی جڑ کاٹی جائیگی،غلط کرنے والوں پر نشان لگایا جائیگا اور ساتھ ہی یہ وہ آلہ ہے جو روزگار کاساتھی ہے۔
جن ادھیکار پارٹی کے سنیئر رہنماء کنہیا کمار نے کہاکہ بہار حکومت ہرمحاذ پر ناکام ثابت ہوئی ہے، گاؤں گاؤں تک حکومت کے تٙئیں ناراضگی ہے۔
مزید پڑھیں:
گیا: دفتر برائے اوقاف کمیٹی کا افتتاح عمل میں آیا
انہوں نے کہاکہ' لوگوں کو مصیبت کے وقت میں حکومت اور اپوزیشن دونوں ہی چھوڑدیتے ہیں، لیکن ان کی پارٹی کے صدر پپویادو ہرجگہ پہنچ کر لوگوں کی مدد کرتے ہیں۔
