'یو پی ایس سی میں کامیابی حاصل کرنا ہے'

ریاست بہار کے ضلع گیا کی ایک طالبہ نے جامعہ ملیہ اسلامیہ کے بارہویں کے امتحان میں سائنس، کامرس اور آرٹس تینوں مضامین میں سب سے زیادہ نمبر حاصل کرکے پہلا مقام حاصل کیا ہے۔

گیا کے محمد راشد کے گھر میں جشن کا ماحول ہے۔ جشن کی وجہ ان کی بیٹی ثناء خیر کی شاندار کامیابی ہے۔ ثنا نے 94.6 فیصد نمبر حاصل کرکے نہ صرف آرٹس بلکہ کامرس اور سائنس تینوں مضامین میں پہلا مقام حاصل کیا ہے۔ ثناء کی خواہش ہے کہ وہ آئی اے ایس میں کامیابی حاصل کریں۔

ثناء بچپن سے ہی کافی محنتی طالبہ رہی ہیں۔ انہوں نے اسکول اور پھر یونیورسٹی سطح پر متعدد تقریری مقابلوں میں بھی کامیابی حاصل کی ہے۔

اب ثناء کی اس شاندار کامیابی پر ان کے والدین بھی کافی خوش ہیں۔

قابل ذکر ہے کہ جامعہ ملیہ اسلامیہ میں رواں برس 913 طلبہ و طالبات نے بارہویں کا امتحان دیا تھا۔ جن میں تین سو طالب علموں نے 80 فیصد سے زیادہ نمبر حاصل کیے ہیں۔