ریاستی حکومت ایک طرف جل جیون ہریالی منصوبے کے تحت پودے لگانے کے عمل کوانجام دے رہی ہے۔ تو دوسری طرف بے تحاشہ ہرے بھرے درختوں کو کاٹا بھی جار ہا ہے۔
وزیراعلی نتیش کمار جل جیون ہریالی کے تحت ریاست کے مختلف اضلاع کادورہ کرکے لوگوں کو ہریالی کے تحفظ پربیدار بھی کررہے ہیں۔
ضلع میں بیس لاکھ سے زائد درخت اب تک لگائے جا چکے ہیں ۔ وہیں انتظامیہ اور محکمہ جنگلات کی عدم توجہی سے ہرے بھرے درختوں کو کاٹنےکا بھی سلسلہ جاری ہے۔
ریاست بہار کے شہر گیا میں واقع ڈیویژن پبلک لائبریری احاطے میں کھلے عام سبز درخت کاٹے جارہے ہیں۔جمعرات کو نصف درجن مزدور درختوں کی کٹائی میں مصروف نظرآئے۔
مزید پڑھیں:نربھیا کیس: سپریم کورٹ، مرکز کی عرضی پر سماعت کو راضی
مزدوروں نے بتایا کہ انہیں منوج نامی شخص نے درخت کاٹنے کو کہاتھا۔ پبلک لائبریری سرکاری ہے اور یہ شہر کے بیچ و بیچ واقع ہے۔
بتایاجاتاہے کہ اس احاطے میں لگے درخت بھی انتظامیہ کی جانب سے کئی برسوں پہلے لگائے گئے تھے۔
ای ٹی وی بھارت کے سوال پرمحکمہ جنگلات کے ڈسٹرک افسر ابھشیک کمار نے کہاکہ انہیں اطلاع ملی تو انہوں نے محکمہ افسران کو تحقیقات کے لئے بھیجا ہے۔
لائبریری میں درخت کاٹنے کی اجازت محکمہ کی جانب سے نہیں لی گئی ہے۔کس کے کہنے پر درخت کاٹے گئے اسکی تحقیقات کرکے ضروری کاروائی یقینی طورسے کی جائیگی۔
