گیا کے اتری اسمبلی حلقہ سے راجندر یادو اور ان کی اہلیہ کنتی دیوی گذشتہ دو دہائیوں سے ایم ایل اے رہے ہیں۔
سنہ 2020 کے اسمبلی انتخابات میں راجندر یادو و کنتی دیوی کے بیٹے رنجیت یادو اتری اسمبلی حلقہ سے آر جے ڈی کے ایم ایل اے بنے ہیں۔
گیا کے مقامی باشندوں کی جانب سے کہا جاتا ہے کہ ایک وقت ایسا تھا کہ جب سابق ایم ایل اے راجندر یادو کی اتری حلقہ میں حکمرانی تھی ۔ راجیندر یادو کو ایک شہہ زور کے طور پر گیا میں دیکھا جاتا ہے ۔
راجندر یادو، دریا پور کی ایک لڑکی کے قتل معاملے میں سزایافتہ ہیں اور وہ سنٹرل جیل میں عمر قید کی سزا کاٹ رہے ہیں۔
گیا کی عدالت نے منگل کو جے ڈی یو رہنما سومارک یادو قتل کیس میں راجندر یادو کی اہلیہ وسابق ایم ایل اے کنتی دیوی کو سزاوار قرار دیا گیا ہے ۔
عدالت کے حکم پر کنتی دیوی کو پولیس نے گیا سنٹرل جیل میں عدالتی تحویل میں بھیج دیا ہے۔
گیا ضلع اور سیشن جج تھری سنگم سنگھ نے آر جے ڈی کی سابق ایم ایل اے کنتی دیوی کو منگل کے روز قصور ٹھہرایا ہے۔
قابل ذکر ہے کہ 26 فروری 2013 کو انتخابی مہم کے دوران سومارک یادو کو لاٹھی، ڈنڈوں اور راڈ سے مار مار کر ہلاک کردیا گیا تھا۔ اس معاملے میں سومارک یادو کے بھائی وجئے یادو نے اتری تھانہ میں ایف آئی آردرج کرائی تھی ۔
عدالت نے 23 جنوری کو سزا سنانے کے لیے تاریخ مقرر کی ہے ۔
اس معاملے میں استغاثہ کی جانب سے ایڈیشنل پبلک پراسیکیوٹر مسعود منظر اور دفاع کی جانب سے شکیل احمد نے مقدمہ پر بحث کی ہے۔
