گیا: تہواروں کا موسم بہار کی جیلوں میں بھی ہم آہنگی اور خوشی کی لہر لارہا ہے جہاں ہندو مسلمان اپنے اپنے عقائد سے جڑی رسموں کو ادا کررہے ہیں اور اس دوران وہ ایک دوسرے کی مدد بھی کررہے ہیں۔ گیا سینٹرل جیل میں رمضان المبارک کے دوران قیدیوں کے روزہ رکھنے کی روایت ہے۔ یہاں ہر برس مسلم قیدی روزہ رکھتے ہیں جبکہ کئی رمضان ایسے بھی گزرے ہیں جب ہندو قیدیوں نے بھی روزہ رکھا ہے حالانکہ اس مرتبہ اسکی اطلاع نہیں ہے۔ لیکن اس مرتبہ بھی جیل میں رحمت وبرکت والے مہینے کی سعادتوں سے سبھی فیضیاب ہونا چاہتے ہیں Fasting and brotherhood of prisoners in Gaya Central Jail۔
جیل انتظامیہ کے مطابق رات میں تراویح کی نماز بھی ادا ہوتی ہے حسن اتفاق اس مرتبہ گیا سینٹرل جیل میں روزہ اور چیتی چھٹھ کا ماحول ایک جیسا ہے کیونکہ جہاں مسلم قیدی روزہ رکھ رہے ہیں۔ وہیں چیتی چھٹھ کرنے والے بھی "اپواس" پر ہیں۔ جیل میں یوں تو ہر دن صفائی کا نظام ہے، تاہم ابھی تہوار کے پیش نظر صفائی کا خصوصی اہتمام ہے اور یہ خود قیدیوں کی جانب سے ہے خاص بات یہ ہے کہ یہ صفائی ہندو مسلم قیدی ایک دوسرے کے لیے کرتے ہیں۔ جو روزہ نہیں رکھتے یا جو چھٹھ نہیں منا رہے ہیں وہ بھی ان کے احترام کے لیے کھڑے ہوتے ہیں اور کاموں میں انکی مدد کرتے ہیں گویا کہ سینٹرل جیل میں قیدیوں کا روزہ اور بھائی چارہ دونوں ہی مثالی ہوگیا ہے۔
اطلاع کے مطابق گیا سینٹرل جیل میں کل 85 قیدی روزہ رکھ رہے ہیں جس میں تین خواتین بھی شامل ہیں جبکہ تین قیدی چیتی چھٹھ پوجا کریں گے۔ اس سلسلے میں جیل سپرنٹنڈنٹ وجے کمار اروڑہ نے بتایا کہ جیل میں کل 85 قیدی روزہ رکھ رہے ہیں اور اس میں تین خاتون روزہ دار بھی شامل ہیں۔ جیل میں ایک خصوصی روزہ وارڈ ہے جہاں پر کل 43 قیدی ہیں جو خود سے افطار و سحر کے پکوان بناتے ہیں جبکہ بقیہ روزہ دار قیدی دوسرے وارڈوں میں ہیں۔ جیل مینول کے مطابق رمضان کے موقع پر کھان پان میں روزہ داروں کے لیے تبدیلی کی جاتی ہے۔ افطار کے لیے چنا، پھلکی اور کھجور کے انتظامات کے علاوہ سحری کے انتظامات کئے جاتے ہیں۔
مزید پڑھیں:
انہوں نے کہا کہ جیل میں ایک مسجد وارڈ ہے جہاں پر دن میں روزہ دار قیدی عبادت کرتے ہیں جبکہ شام میں وہ اپنے اپنے وارڈ میں تراویح کی نماز ادا کرنے کے ساتھ سبھی مذہبی رسومات ادا کرتے ہیں جبکہ اسی طرح تین قیدی چیتی چھٹھ پوجا کررہے ہیں انکے لئے بھی انتظامات کے گیے ہیں خاص بات یہ ہے کہ یہاں ہندو مسلم قیدی ایک دوسرے کی خود مدد کے لیے آگے ہوتے ہیں۔
