عوام بجلی کے جھولتے تار سے پریشان

ریاست بہار کے ضلع گیا کے علاقے بیلا میں بجلی کا تار نہ صرف عوام کے لیے وبال جان بنا ہوا ہے بلکہ کسان بھی بری طرح پریشان ہیں، کہ نہ جانے کب نا خوشگوار واقعہ پیش آ جائے۔

بتایا جا رہا ہے کہ بیلا گاؤں کے کھیت میں بجلی کا تار بری طرح سے لٹک رہا ہے معلوم ہوتا ہے کہ بجلی کا تار اس پول سے نہیں بلکہ زمین لے جایا گیا ہو اس سے مقامی لوگوں میں بیحد بیچینی ہے

لوگوں کا کہنا ہے کہ اس تار کی زد میں آکر کئی جانور ہلاک ہو چکے ہیں اور اس سے انسانوں کی جان کو بھی خطرہ لاحق ہے۔ حالانکہ مقامی لوگوں نے ذاتی طور پر بجلی کے تار کو بانس سے اوپر کرنے کی کوشش کی لیکن تیز ہوا نے ان کی کوششوں کو بھی بیکار کر دیا ۔