ریاست بہار کے ضلع گیا کے پیرمنصور روڈ میں واقع دھرم سبھابھون میں سی پی آئی کا سہ روزہ ریاستی پارٹی کارکنان کنوینشن کاآغاز ہوا۔
تین دنوں تک چلنے والے اس کنوینشن میں ریاستی و قومی سطح کے رہنما و کارکنان شریک ہوئے۔
استقبالیہ کمیٹی کے صدر اکھلیش کمار نے استقبالیہ خطاب دیا، اتوار کی شام کو کنوینشن کے پہلے دن پارٹی کے جنرل سکریٹری و سابق رکن پارلیمان ڈی راجا نے افتتاحی خطاب میں کہا کہ بہار خوش قسمت ہے کہ جہاں پارٹی کے بڑے رہنما پہنچ چکے ہیں۔
بہار کی جماعتوں نے ملک کی دیگر جماعتوں کے لئے مثال پیش کی ہیں۔ جب جھارکھنڈ اور بہار ایک ساتھ تھا تب ان کی پارٹی سے دس سے پندرہ ایم پی اور درجنوں ایم ایل اے ہواکرتے تھے لیکن آج پارٹی کی حالت کیا ہے وہ کسی سے پوشیدہ نہیں ہے۔
انہوں نے کہا کہ'ہمیں اس پرتبادلہ خیال کرناہوگا کیوں کہ آج ملک میں جو حکمراں جماعت ہے اس حکومت سے ملک کونقصان ہو رہا ہے، آئین کو خطرہ لاحق ہے
انہوں نے کہا کہ سی اے اے، این آر سی اور این پی آر اتنا بڑا مسئلہ ہے کہ آج ملک کی عوام سڑک پر آگئی ہے۔کمیونسٹ پارٹی اس میں نہیں ہے لیکن پارٹی کو سوچنا ہوگا کہ اگر کمیونسٹ پارٹی لڑائی میں شامل نہیں ہوئی تو ملک کا کیا ہوگا ؟
کمیونسٹ پارٹی نے ہمیشہ ظالم حکمرانوں کے خلاف آواز بلند کی ہے، آج پھر کھڑے ہونے کی ضرورت ہے۔
پارٹی میں اتحاد ہوگا تو ایسی حکومت کواکھاڑ پھینکنا مشکل نہیں ہوگا۔
انہوں نے مزید کہا کہ 'ایکتا کے ساتھ اپنے ہدف کومکمل کریں اور سیاسی پہلووں پر بھی تبادلہ خیال ہونا چاہیے تاکہ آپ کو فرق کا پتہ چل سکے۔
اس موقع پر اتل کمار انجان قومی جنرل سکریٹری، امرجیت کور قومی سکریٹری، کامریڈ کے نارائنن قومی سکریٹری، ناگیندرناتھ اوجھا سابق ایم پی، رام نریش پانڈے قومی ایکزیکیٹیوممبر، جانکی پاسوان، مسعود منظر، پرویزعالم، وجے نارائن مشر، بھولاپاسوان، راج شری کرن، رنجیت پنڈدت وغیرہ موجودتھے۔
اطلاع کےمطابق 21 جنوری کوگاندھی میدان میں جلسہ عام سہ روزہ راجیہ سمیلن منعقد ہوگا۔جس میں پارٹی کے سنیئر رہنما کے علاوہ جے این یوکے سابق صدر کنہیا کمار بھی شامل ہوں گے۔
